Posjert kveite med rødbetrisotto

Det er kjekt med fisk. Det er enkelt, går fort og det er sunt. I den nye mathallen i Oslo (i den grad han er ny no lengre) har dei fantastiske fiskebutikkar, og ei betjening som strekk seg litt ekstra, og det er skikkeleg fint å handla der. Eg tenkte eg skulle jobba meg gjennom dei fiskeslaga dei måtte ha, vera litt modigare når det kjem til å ta med heim fisk eg ikkje har ete før, så det ikkje berre blir sei/torsk/laks (sjølv om dei er inmari gode dei og), og når dei no hadde skikkeleg fin kveite, så blei det no det.

Det må og vere lov å prøva seg fram med anna tilbehøyr enn kokt potet. Til dømes er rødbetrisotto verkeleg godt til kvit fisk, berre nemner det liksom! Det er forøvrig og veldig godt til kylling, men då bruker du kyllingkraft og ikkje fiskekraft, åpenbart. Og så har det fått følge av ein fennikel- og reddiksalat. Ikkje dumt det heller.

 

Oppskrifta er til fire.

Raudbetrisotto

  • 2 dl risottoris
  • 2 sjalottlauk, hakka
  • 2 ms smør
  • 2 ms olivenolje
  • 2 dl kvitvin
  • 8 dl fiskekraft
  • 300 g raudbeteterningar, kokt på førehand (kok med skallet på, avkjøl, skrell, skjær opp)
  • parmesan
  • salt, pepper
  • sitron
  • 2 ms creme fraiche

Kok opp kraft og kvitvin for seg. Varm olje og smør i panna, og steik risottorisen til han blir litt kvitare. Ha i lauken og steik til den er mjuk. Så sper du i litt og litt kraft/kvitvin (om lag ein dl om gongen). La det koka inn før du har i meir, og rør heile tida. Etter ti minutt har du i raudbeteterningane, og fortset å spe/røra. Når risen er møyr, har du i riven parmesan, creme fraiche, salt og peppar. Rør det saman, og smak til med sitron.

 

Fennikelsalat

  • 2 fenniklar
  • 1 bunt reddik
  • 3 ms estragon
  • salt, peppar
  • sitron
  • olivenolje

Skjær fenniklane og reddikane i heilt tynne skiver og legg dei i iskaldt vatn i ti minutt, så dei blir heilt sprø. Hell av vatnet og bruk salatslynge for å få ut resten av vatnet, eller tørk godt på anna vis. Ringle over olivenolje og ha på godt med sitronsaft, og krydre med salt og peppar.

 

Posjert kveite

  • 4 porsjonsstykker kveite
  • 2 l vatn
  • 1 gulrot
  • ei skive sitron
  • det kvite på ein purre
  • to laurbærblad
  • salt, 10 pepparkorn

Skrell/vask/skjær grønsakene i biter og ha det i vatn, som du koker opp. Når det har kokt i tjue minutt har du i laurbærblad, peppar, godt med salt og ei skive sitron. Kok i ti minutt til. Legg i fisken, og varm opp til kokepunktet før du trekk gryta av plata. Trekk ferdig, det tek om lag fem minutt. Sånn kan du koka all fisk, du berre tar høgde for ulik trekketid. Og det er jo eigentleg ikkje «kokt fisk» det er snakk om, sidan ein ikkje faktisk KOKER fisk (sidan det ikkje skal koka, berre trekka). Men viss du kan «koka» pølser kan du «koka» fisk. Det er jo ikkje hjernekirurgi akkurat..:)

6 tankar på “Posjert kveite med rødbetrisotto

    1. posjert betyr å koka utan å koka, på ein måte. du kokar opp vatnet til kokepunktet og har råvara oppi, og let det trekka like under kokepunktet til det er ferdig. det er hensiktsmessig med pølser, frukt, fisk, egg når du vil koka dei utan skal.

      og ein kan vel kalla det «kokt fisk» viss ein vil. men ein koker jo faktisk ikkje fisken. litt som pølser, altså: ein koker jo faktisk ikkje pølser. ein varmar dei til nesten hundre grader og let dei trekka i vatnet, men ikkje i kokande vatn.

      Likar

  1. Bra oppskrift, Liv!

    Det er Magne fra VG her, nå har jeg anbefalt innlegget ditt på forsiden av VG slik at flere kan få gleden av det.

    Er det andre som skriver en god blogg og vil ha mange nye lesere? Ikke nøl med å sende en epost til meg på magnea |a| vg.no

    🙂

    Likar

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s

This site uses Akismet to reduce spam. Learn how your comment data is processed.