Sjokoladepålegg blir nok dessverre aldri særleg sunt. Men det kan bli sunnare enn dei greiene de selger i butikken – lager du det sjølv slepp du i alle fall alle dei rare greiene dei putter i kjøpesjokoladepålegget. Ikkje palmeolje eller tilsettingsstoff av andre slag. I tillegg kan du smaka det til sjølv, og eg skal lova deg at det vert mykje, mykje betre. Mmm!
Til om lag eitt glas treng du:
- 5 dl peanøtter (rå: utan skap og utan salt og utan olje)
- 1,75 dl bakekakao
- 2,75 dl melis
- 0,25 ts salt
- 2-3 ms peanøttolje (eller ei smaksnøytral olje)
Set steikomnen på 200 grader. Rist peanøttene i om lag 7 minutt til dei vert ørlite mørkare og lukter rista. Putt dei så i ein foodprosessor eller blender og miks i om lag fem minutt. Peanøttene vil først verte malt til smuler til olja i dei vert frigitt og så vert det ein ganske glatt masse (det luktar så GODT!). Ha så i dei andre ingrediensane og blend vidare til det er ein glatt og godt blanda masse. Du må sjå det litt an på det der med olje – det skal få ein fin og smørbar konsistens som sjokoladepålegg. Oppbevar det i kjøleskap.
Gratulerer!
Så flott a gitt.
LikarLikar
Tusen takk! Godt nøgd a gitt! 🙂
LikarLikar