Dette er eit fantastisk godt brød. Og det er sant at det tek litt tid å laga, men det er ikkje mykje arbeid, og resultatet blir kanonbra! Det er godt i matpakka med pålegg, og det er heilt fantastisk med lun eggerøre til. Hasselnøttbrødoppskrifta kjem frå far.

Far sitt suverende hasselnøttbrød

• ein liter mjøl
• to never grovhakka hasselnøtter
• ei halv ts tørrgjær
• ei ts salt
• ein halv liter vatn
• ei jerngryte med lokk

Rist gjerne nøttene i ti minutt på 200 grader eller til dei vert litt lysebrune og luktar godt før du hakkar dei, men ikkje brenn dei.

Rør alt fort saman og la det stå til heving i 12-18 timar. Det stemmer at det skal vere ein litt våt deig. Når deigen er heva, heller du han på eit bakepapir med mjøl på og bretter han over seg sjølv ti-tolv gonger. Set bollen opp ned over deigen så han ikkje tørker ut, og la han ligga der til etterheving i om lag 2 timer.

Etter ein og ein halv time set du omnen på 250 *C, og set samtidig gryta inn på nedste rille til oppvarming. Når omnen har blitt 250 *C (og deigen har etterheva i minst 2 timer), tek du gryta ut av omnen. Løft opp deigen på bakepapiret og hell han nedi den varme gryta. Det er den varme gryta som gir den sprø overflaten etterpå. Strø godt med maldonsalt på brødet! Sett på lokket og putt heile greia i omnen.

Steik i 30 minutt (på nedste rille), og ta så av lokket og steik 15 minutt til, skru ned varmen til 220 grader. Ha brødet på rist og la det avkjøla seg før du skjærer i det. Oppbevar det så i eit kjøkkenhandle og ikkje i plast, for då blir skorpa mjuk og litt trist.