Salat med søtpotet og bønner

Det er ei veke til eksamen, eg er åleine heime og det er så mykje pensum at eg har lyst til å grina. Dessutan regner det. God fredagskveld liksom.

Så eg bestemte at då fortener eg i allefall god middag.

Eg har liksom aldri hatt eit forhold til søtpotet før, men i det siste så har eg skjønt at det er faktisk heilt fantastisk. Det same gjeld eigentleg bønner. Det er så godt, og så utruleg praktisk. Alt i alt er dette ein salat med nokre av dei beste tinga eg veit i. Det er sjukt godt med den varme søtpoteta i!

 

 

Til ein (som får nok til to måltid)

  • 1 søtpotet
  • 1 boks kvite bønner
  • 1-2 fedd kvitlauk
  • olivenolje
  • frisk rosmarin
  • sitron
  • pepper
  • salt
  • nokre never ruccola

 

Skrell og skjær søtpoteta i biter og finhakk kvitlauk. Ha litt olivenolje på og bland det litt, ha på litt salt og steik i omnen på 200 grader i 50 minutt eller til søtpotetbitene er møre. Legg ruccolaen i iskaldt vatn i 20 minutt så han vert sprø. Bruk gjerne salatslynge til å få ut vatnet etterpå, eller rist ruccolaen litt og legg han på tørkepapir.

Bland kvite bønner og søtpotet, og ha over ein god klunk olivenolje og ein god dæsj frisk sitronsaft. Riv ruccolaen i mindre biter og klypp opp litt frisk rosmarin. Bland alt saman. Topp det med peppar.

Ein tanke på “Salat med søtpotet og bønner

  1. Tilbakeping: Oppskrifter for våren

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s

This site uses Akismet to reduce spam. Learn how your comment data is processed.