Dette er nok ei fantastisk kjeksoppskrift frå Ina på Mat på bordet. Dei er mjuke inni og best same dag, men det går greitt, for dei er veldig raske å lage og er lette å ete opp..:) Dessutan kan du gjerne frysa ned litt av deigen (gjerne i kuler) viss du skulle ville det, så tek du dei berre opp og tiner dei på steikebrett og voila, så har du nysteikte kjeks når som helst. Berre nemner det.
Du treng:
- 375 gram mjøl
- 1 ts bakepulver
- 225 gram mjukt smør
- 295 gram sukker
- 1 ms vaniljesukker
- 2 egg
- 0,5 dl melk
Strø:
- 2 ss sukker
- 1 ss kanel
Rør smør og sukker kvitt. Bland inn vaniljesukker, egg og mjølk, og ha så i resten. Bland det godt og du skal ha ein fin og mjuk deig. Lag små kuler av deigen (det vert mange mange mange) og rull dei i ein blanding av sukker og kanel, set dei på steikebrett og steik i 8-10 minutt på 180 grader til dei er lett gylne i kantane.
Superwoman 